صتاعة الشموع

موضوع: صتاعة الشموع 15th فبراير 2012, 12:38 pm

[ندعوك للتسجيل في المنتدى أو التعريف بنفسك لمعاينة هذه الصورة]

من منا لم يحتفل بيوم ميلاده إلا وكان نور الشمعة رفيقا زمنيا لأفول عام واستقبال عام جديد له،

ورغم تطور وسائل الإضاءة الحديثة وتنوعها، إلا أن الشمعة تظل الأجمل والأغنى لمناسباتنا الخاصة

فلا الأضواء الملونة والكهرباء المشعة قادرة علي خلق حالة الألفة التي
تخلقها الشمعة، وهي وسيلة إنارة قديمة ورغم قدمها مازالت تشع في كل مناسبة
فرح لدينا

وصناعة الشموع من اسهل الاشياء التى يمكن عملها والابداع فيها

سوف نتعلم هنا كيف نصنع شمعه من خامات سهلة جدا ولكن فى البداية احرصي على شراء جميع المكونات

[ندعوك للتسجيل في المنتدى أو التعريف بنفسك لمعاينة هذه الصورة]

نتعرف الاول على شكل الشمع الخام

الشمع الخام بيتباع على شكل قوالب غالبا فى المناطق التى يوجد بها عطارين
.. وبيتجاب من منطقة الازهر عند الشارع اللى هو فى مدخل الصاغة هناك عطار
مشهور اوى واخر مرة جبته كان شمع البرافين ب 12 جنيه والشمع الاصفر ب 10

ويوجد أنواع للشمع منها الردىء ومنها الجيد

الردئ بيكون مائل الى الاصفرار قليلا علشان كدة ممكن استخدامه فى الشمع
اللى هنغير لونه بالاخص فى الالوان الداكنه أما إن كانت الالوان المستخدمة
فاتحة مثل الاصفر والبنى.....الخ فيستحسن أن يكون الشمع من النوع الجيد
ويكون شكله وهو خام مثل الرخام الابيض فهو يميل الى الشفافية (ليس شفافا )

وشكل الشمع الخام الجيد (شمع البرافين)

[ندعوك للتسجيل في المنتدى أو التعريف بنفسك لمعاينة هذه الصورة]

ونكسره كدة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

فيه طرق تانية لاستخدام الشمع اللى اساسا عندك وممكن تكونى زهقتى من شكله هقولكوا عليها فى المشاركة اللى جاية

طرق السلامة الواجب مراعاتها عند أستخدام الشموع

1-يستحسن أن تكون الاوانى التى يذاب فيها الشمع لاتستخدم بعد ذالك للطهو
حتى لايتعلق شىء بالاوانى فتنتقل المواد الموجودة بالشمع الى الطعام

2- وجود قماشة دائما بجواركم حتى تخمد بها النار لاقدر الله أن اشتعلت

3- الشمع إن سقط على اليد فهو والحمد لله مادة درجة أنصهارها منخفضة لكن يجب وضع اليد تحت الماء مباشرة

4- يجب أن يكون المكان الذى ستوضع فوقه القوالب التى سوف يصب فيها الشمع مستوية

طريقة إذابة الشمع

يذاب الشمع كما تذاب الشيكولاتة فيما يعرف (بالحمام المائى) والطريقة
المتبعة فى ذالك أن نحضر أناء كبير ونضع بداخلها ماء ثم نضع بداخل الماء
علبة من الصفيح يحدد حجمها حسب كمية الشمع المطلوب إذابتها ثم نشعل عليها
النار وتترك حتى تذوب تماما

يجب فى الاناء الذى سوف يوضع بداخلة الشمع أن يكون نظيفا حتى لايترك أثر على الشمع

[ندعوك للتسجيل في المنتدى أو التعريف بنفسك لمعاينة هذه الصورة]

كيفية تلوين الشمع

بعد ذوبان الشمع يتم أضافة اللون الى الشمع تستخدم الالوان الخاص بالشمع
وهى بودرة مخصصة لذالك موجودة أيضا عند العطار والبودرة دى يستخدم مقدار
ضئيل اوى عشان تركيزها عالى جدا

وعيب البودرة دى حاجتين هى

اولا انها مجرد الالوان الصريحة فقط اصفر برتقالى احمر اخضر ازرق اورنج بنى اسود فقط وممكن تعتمد على انك هتخلطى الالوان

ثانيا ان ممكن عند استخدام جزء كبير منها اللون يغمق علشان كدة الاحسن ان
نحط حبة صغيرين خالص ونزود لحد ما نوصل للون اللى عايزينه ولو بتخلط لون زى
البمبى مثلا باستخدام الابيض والاحمر ممكن اللون يبوظ منك لو حطيتى حاجة
اكتر من حاجة

ممكن استخدام الوان الشمع اللى الاطفال بيلونوا بيها .. انا بستخدمها
وناجحة معايا جدا لانى مش بعرف اخلط الوان وايه مع ايه يدينى لون ايه
فالظريف فيها ان ممكن تعملى شمع بكل الالوان الغريبة اللى انتى عايزاها

وطبعا درجة تركيز اللون حسب حجم الشمعه يعنى لو شمعه كبيرة هتحطى قلمين مثلا لو شمعه صغيرة ممكن تستخدمى حتة من القلم

[ندعوك للتسجيل في المنتدى أو التعريف بنفسك لمعاينة هذه الصورة]

بعض أشكال قوالب الشمع

- يفضل أن تكون القوالب من الزجاج أو من الالومنيوم

[ندعوك للتسجيل في المنتدى أو التعريف بنفسك لمعاينة هذه الصورة]

دى اشكال من قوالب بس مظنش انها موجودة هنا فى مصر ولكن ممكن بدالها
نستخدم اى شئ مكن علب العصير الكارتون ودى اشكال كتير منها مدور ومربع
ومستطيل

وممكن علب الكانز او العلب اللى بيتجاب فيها اى شئ من السوبر ماركت

انا ساعات بعمل فى ورق زى اللى بيجى فيه اعلانات الاكل مع الجرنال ممكن
الفه قرطاس واعمل شمعه على شكل قمع وممكن الفها على شك هرم واتبت عليها
الفتيل باللزق الورقى وبتنفع معايا

وجربت اعمل فى قوالب الكيك اللى بتتباع عند بتاع الحلويات ودى ميزيتها انها مفتوحة من الجنبين ويسهل اخراج الشمعه منها

جربت كمان فى الحاجات بتاعه التلج ودى بتتباع نوعين النوع البلاستيك
والنوع اللى زى السيليكون باشكال مختلفة زى الفاكهة جبت منه اشكال كتير على
شكل مخلوقات بحريةوفواكه ونجوم

ودة بينفع اوى لتشكيل الشمع الطافى

يمكنكم أستخدام الفناجيل والاكواب وكل شىء فى المنزل يمكن الصب فيه (هناك أفكار كثيرة جدا هعرضها عليكو)

ارشادات عامة

- ان كانت القوالب من غير الزجاج فتدهن جوانبها بالفازلين أو بالزيت او حتى بالصابون السائل

- يمكن الصب فى القوالب التى تكون ضيقة من أسفل وواسعة من أعلى ومش العكس

- القوالب التى تكون ضيقة من أسفل وواسعة من المنتصف وضيقة من أعلى لايمكن
أخراج القالب الشمع منها الا بعد كسرها وكذالك القوالب التى على شكل دائرة

- الفتيل الذى يوضع فى الشمع يكون مخصوص برضة من عند العطارين اللى فى
الازهر لكن خيط التنجيد شغال برضة ولما تسيح شمعة ممكن نغطس الفتلة فى
الشمعة وهى سايحة عشان الفتلة تبقى من نفس لون الشمعة وكمان تكون ماسكة
نفسها شوية

- يتم ربط الفتيل فى قلم أو بنسة شعر أو خشبة صغيرة او حتى اسياخ الشيش
طاووك ...ألخ ويتم وضعه على فوهة القالب ويسقط الخيط فى منتصف القالب ( لما
تكون الفتلة مغموسة فى الشمعه بتنشف وتبقى سهلة تتظبط فى النص ) زى كدة

[ندعوك للتسجيل في المنتدى أو التعريف بنفسك لمعاينة هذه الصورة]

أضافة رائحة للشمع

أولا أضافة الروائح للشموع تضفى عليه شىء جميل وتجعل رائحته جميلة خاصة إذا كان الشمع المستخدم من النوع الردىء

أختيار الروائح يتم نسبيا مع الوان الشمع نفسه فإذا كان لون الشمع أحمر يفضل إستخدام روائح الفراولة والتفاح

ويمكن أستخدام رائحة النعناع إذا كان الشمع أخضر وكذلك رائحة التفاح

برضة بتتباع عند العطارين فى سيدنا الحسين وباب الشعرية وفيه كل الروائح اللى ممكن تتخيلها حتى الشوكولاتة والكراميل

يتبـــ،،ـــ،،ـــع

موضوع: رد: صتاعة الشموع 15th فبراير 2012, 12:40 pm

اولا الشمع المستخدم من قبل

هو اننا نستعمل الشمع اللى موجود عندنا من الاول زى دة كدة

[ندعوك للتسجيل في المنتدى أو التعريف بنفسك لمعاينة هذه الصورة]

عشان بس نجرب الاول قبل مانبتدى فى الحاجات الكبيرة

نسيحهم على النار وزى ماقلنا فى اناء جوة اناء اخر به ماء

[ندعوك للتسجيل في المنتدى أو التعريف بنفسك لمعاينة هذه الصورة]

لما
الشمع يسيح ممكن نحط اى ريحة احنا عايزينها بس قلبيه كويس وبعدين صبيه فى
اى قالب عندك ممكن قوالب زى دى اللى بنستخدمها تحت الفواحات الصغيرة زى دى
ودة اسمه

Tealight candles

[ندعوك للتسجيل في المنتدى أو التعريف بنفسك لمعاينة هذه الصورة]

نصب الشمع فى القوالب

[ندعوك للتسجيل في المنتدى أو التعريف بنفسك لمعاينة هذه الصورة]

لما بيبتدى الشمع يبرد بيهبط شوية زى كدة

[ندعوك للتسجيل في المنتدى أو التعريف بنفسك لمعاينة هذه الصورة]

ودة لانه بيمسك فى بعضه فى الحالة دى هنزود حبة كمان ولكن نخلى بالنا يبقى الشمع برضة سخن

[ندعوك للتسجيل في المنتدى أو التعريف بنفسك لمعاينة هذه الصورة]

ودة شكله النهائى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وممكن يتحط فى حاجات اكبر شوية زى الكوبايات كشمعه لوحدها زى دى كدة ودة اسمه

Votive candle

هو بيكون قصير شوية وبيتباع مجموعه منه ممكن نعملهم فى الاكواب الورقية

[ندعوك للتسجيل في المنتدى أو التعريف بنفسك لمعاينة هذه الصورة]

اول ما يسيح نحط الالوان والريحة اللى احنا عايزينها وبعدين

نصب الشمع بعد مايسيح فى الاكواب

[ندعوك للتسجيل في المنتدى أو التعريف بنفسك لمعاينة هذه الصورة]

لما يهدى ويبتدى يجمد ويكش وعلشان دى اكبر من اللى قبل كدة هنيجى بخله او بعصا رفيعه نخرم كام خرم من فوق بس يكون عميق شوية بالشكل دة

[ندعوك للتسجيل في المنتدى أو التعريف بنفسك لمعاينة هذه الصورة]

بعد ما تبرد شوية نصب الشمع لحد الاخر

[ندعوك للتسجيل في المنتدى أو التعريف بنفسك لمعاينة هذه الصورة]

نقشر الورق من على الشمع ودة شكله النهائى

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وممكن فى كوبايات او برطمانات ومتخرجش منهاتفضل فيها وتتولع وبتبقى حلوة جدا

Containers candles

[ندعوك للتسجيل في المنتدى أو التعريف بنفسك لمعاينة هذه الصورة]

ودى بعض الاشكال وممكن تبتكرى الوان واشكال كل واحد وذوقه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وممكن تلعبى بالالوان زى كدة

[ندعوك للتسجيل في المنتدى أو التعريف بنفسك لمعاينة هذه الصورة]

وعلى فكرة هى سهلة جدا وهاقولك تعمليها ازاى لما نوصل لعمل شمعه من كذا لون

موضوع: رد: صتاعة الشموع 15th فبراير 2012, 1:38 pm

جميله جداا تسلم ايدك احمد

موضوع: رد: صتاعة الشموع 15th فبراير 2012, 4:14 pm

تسلمى انتى سما

» اي الشموع انت / انتي