انواع البنات (من غير زعل)

بص بقى بعض أنواع البنات

النوع الاول :- فشااااااااااااااار :lol: :lol:
( موجود بكثره .. هتكلم واحده هتاخد اتنين مجانا ) والنوع ده بقى دايما عايش فى المهندسين .. مصر الجديده .. وسط البلد وغالبا ما يكون مدينه نصر ) وطبعا يا سيدي مش هحكيلك على العربيه الاحدث موديل ولا على اشتراك النادى ( الاهلى - الزمالك - الصيد - الشمس - ....... والبقيه تاتى ) ودى دايما يا بتلعب تنس يا اسكواش .... ... وهما فى الاصل بينتموا لمركز شباب الحبانيه ....... حدث ولا حرج ولو جينا للشكل ... الشعر اصفر .. والعينين خضرا ( واليومين دول تلاقى الوان جديده للعينين احمر( باين بتعيط كتير) وبنفسجى و...و....و ........ بيجيبوها منين الله اعلم) وطبعا البياض مش هقولك انت فاهمنى طبعا وبعدين تاتى الصدمه لما يرووووح الشاب الغلبان عشان اول مقابله وهنا تحدث المفاجاه .... ( مبروك كسبت موعد غرامى مع ملكه جمال قلعه الكبش ) ... ااااااااااه يا زمن (خليكى صريحه)

النوع الثانى :- (مش بكلم ولاد )
.... والنوع ده بقى هوه اللى يجيب الضغط.... تدخل الشات عايز تتعرف تكون صداقه .. شىء طبيعى ... فتقولك ( سورى مش بكلم ولاد ) وفين وفييييين بعد ساعه من المحايله على صحبه الصون والعفاف توافق انها تقول اسمها .... (ما كان من الاول ) والمصيبه تقولك مش بكلم ولاد وتلاقى الجهاز مفتوح فيه 15 صفحه برايفت ..... حرام عليكى الكمبيوتر اشتكى ...... واللى يغيظ اكتر واكتر .. ان النوع ده فى الشات ماتلاقيهوش على العام طيب انت بتعمل ايه ...... (خليكى على طبيعتك)

النوع الثالث :- ( البسكوته )
حاجه كده هستك فستك ..... والنوع ده بقى تلاقيه يرفع الضغط تلاقيها بتقعد تدلع الكلام بطريقه غريبه .... على سبيل المثال وليس الحصر ( اسيك = ازيك .... انت عثل = انت عسل .... دقيقه وكايه = دقيقه وجايه ..... بتكزف = بتكثف )...... وهلم جر ... ايه ده يا اخواتى ده هطق .......حرااااام ولما بقى تيجى تتكلم مع حد فى اى موضوع يقولك بلاش نتكلم فى الموضوع ده ..... طيب هنتكلم فى ايه ..... ....
واللى يغيظ ان جميع الانواع عندها نفس الاجابات لنفس الاسئله يعنى اجابه موحده ....
على سبيل المثال لو تقولها ممكن تكلمينى عن نفسك تكون الاجابه المعتمده ..... مش بعرف اتكلم عن نفسى...اسال وانا اجاوب ...... (وحياه ابوكو غيروا بقى .... )
انا لو عاوزه اتكلم هتكلم على طووول

النوع الرابع :- (هيافه للابد )
وهذا النوع يتدرج تحت بند عجائب الدنيا
السبع ... واسمع بقى يا سيدى واتفرج على نص الحوار اللى مش هتشوف غيره طول ما انت مع النوعيه دى ..... ... شوفت اخر فيلم فى السينما ؟؟ ... سمعت اغنيه المطرب سيد الضلم (هو مين سيد الضلم ده)... اغنيه جامده موووووت .... امبارح جبت فستان زى بتاع حنان ترك بالظبط ..... تحفه ... انا مصاحبه شويه شباب شلتنا يعنى بيعملوا شويه حاجات مجنونه .... ياااااااى ....... شوفت البنت اللى انتحرت عشان خاطر حبيبها ... يا حرااام ..... .... وجرب كده تكلمها فى اى حاجه من المواضيع العامه زى انفلوانزا الطيور وقولها تعرفى ايه عنها ======== > تقولك : هيه دى اللى كانت فى المسلسل بتاع تشانل تو ...... حاجه تفرس مش كده .....
(خليكى عاقله)

النوع الخامس :- (المعقد) :evil:
..... وهذا النوع ننصحك ان تتعامل معه من مبدا انك=======>( بتتعامل مع موسوعه )....... ....لانك هتسمع كلام غرييييييييييب ... وتلاقيها بتقولك .. انا بطبق فى حياتى مبدا الفيلسوف مصطفى ابو شفه .... وباخد عبر من تجارب العالم توفيق شنبو (علماء من العالم الخارجى )..... وتلاقيها بتسالك وتقولك ايه رايك فى موقف المتطرفين فى دوله ( تفهنا العزب ) ..... او تقولك انت مش متعاطف مع اللاجىء السياسى من دوله ( عش الدبابير ) ... ده موقفه محرج جدا وفجاه وبدون سابق مقدمات تلاقيها بتحكيلك عن ...... التركيب الكيميائى عن ثانى اكسيد كبريتات العنب ...... وطبعا كيف يوثر المركب الكيميائى المسمى بــ (علف الكراويه)
على حياه سكان الفضاء الخارجى .... ونصيحه منى لو وقعت فى النوع ده اوعى وبقولك اهوه اوعى يكون ردك مش فاهم ..... او انتى بتتكلمى عن ايه ..... عشان هيكون ده مصيرك ======...... بعد الحوار العلمى اللى مالوش حل بيكون اتحول من كتر العبقريه لمجنووووون .... ======>
(عبقريه فعلا)

النوع السادس :- ( شيال الحمول ) :silent:
...... اتبرع ولو بجنيه ..... ...........وهذا النوع يحسسك بانك بنى ادم معندكش دم ..... زى الدبشه .... وتلاقيها فى كل كلامها بتحكيلك وتقولك ... اشى مره بتصرف على اخواتها ..... ومره انها مجروحه من حبيبها اللى خدعها ..... ...... وتقولك انا حاسه ان الدنيا كلها واقفه قصادى...... على راى المطرب حسن الاسود (انا اللى كلى جروح ومن الزمان مجروح ) طبعا بعد ماتسمع كدا بتبقى عاوزتقوم من على الجهاز وانت فاقد اخر امل فى الحياه ....... وتلبس النضاره السودا ....... وتفكر فى الانتحار ...

وده كان باختصار بعض التوضيح اللى كان لابد منه ... لبعض الشخصيات ومش كلها اللى بتبقى موجوده على النت ..... من البنات ......

بس بجد انا حاسه ان البنات مزودينها شويه والله لو بقيتى على طبيعتك هتبقى احسن من دا كله
ومحدش يزعل كله هزار يابنات

ههههههههههههههههههههههههههههههههههههههههه

احنا كده

ابدا ابدا دايما ظالمنا يا اولاد

ههههههههههههههههههههههههههههه

تسلم على الموضوع الجامد ده

اولا مشكور على اضافاتك اللى بحب اتابعها دايما لان كلها رائعه ثانيا انت شايف دى اشكال وانواع البنات يبقى انت مشفتش بنات وعامه ناااااااااااايس توبيك