بسكويت العيد

موضوع: بسكويت العيد 6th نوفمبر 2010, 2:16 am

بسكويت العيد

بسكويت من عند الشيف حسن وادعو له

كل سنة وانتم طيبين يا احلى صبايا والعيد خلاص قرب
ياريت منتشغلش كتير وانا بنصح نفسي واياكم ويارب يقدرنا ونلتفت للعبادة كمان لان خلاص رمضان خلص
المهم انا لسه سامعه الشيف حسن دلوقتي وقلت اجيلكم مقادير البسكويت بتاع ا وبصراحة تحفة شجعني انى اعمله في بيتي
المقادير:
500 جم زبدة
200 جم سكر
100 جم لبن
20 جم نشادر
5 جم فانيليا
750جم دقيق
3 بيضات
نصف معلقة بيكنج بودر
الطريقة:
1- نخلط السكر والزبدة والنشادر والدقيق مع بعض وفي العجانة وتخفق خفقا جيدا
2- نضيف البيض بيضة ببيضة مش التلاتةمرة واحده والعجانة شغالة
3-نضيف الفانيليا
4- نضبف اللبن سرسوب رفيع جدا واعجن في العجانة
5- نخلط نصف معلقة البيكنج بودر ونستمر في العجن
6- نجيب القمع بتاع الحلويات ونحط فيه وش البسكويت بيبقي شكل المشط كده
7- اتاكدنا ان العجينة بقت طرية جدا ناخد جزء منها ونحطه في القرطاس ونخرج البسكويت عندنا في الصينية
8- نظبط الفرن علي درجةحرارة 120 مئوية وندخل الصينية لمدة 20 دقيقة وتخرج وبالهنا والشفا
ملحــــــــــــــــــــوظة: اخواتى اللى هيستخدموا الميكنة بتاعة البسكويت يزودوا الدقيق بدل 750 جم يبقي كيلو دقيق علشان العجينة تطلع متماسكة وجامدة شوية

» كود تكبيرات العيد
» مظاهر صلاة العيد في موسكو
» الشرطة تفسد على الجماهير البيضاء "فرحة العيد"