star 22
المشرفة العام
رقم العضوية : 15
mms : 
عدد الرسائل : 330
العمر : 36
العمل/الترفيه : بدور ع شغل حاليا
الهوايات : النت وبحب جدا اقرا في علم النفس
اعلام : 
المزاج : 
الهوية : 
تاريخ التسجيل : 11/11/2008
عدد المواضيع : 326
السٌّمعَة : 0
 | موضوع: جيفارا مات  14th نوفمبر 2008, 11:15 pm | |
| جيفارا مات
شعر : أحمد فؤاد نجم
غناء : الشيخ إمام
1968
جيفارا مات
جيفارا مات
آخر خبر فِ الراديوهات
و فِ الكنايس
و الجوامع
و فِ الحواري
و الشوارع
و عَ القهاوي و َ البارات
جيفارا مات
جيفارا مات
و اتمد حبل الداردشة و التعليقات
********
مات المناضل المثال
يا ميت خسارة عَ الرجال
مات الجدع فوق مدفعه جوّه الغابات
جسّد نضاله بمصرعه
و من سُكات
لا طبالين يفرقعوا
و لا اعلانات
********
ما رأيكم دام عزكم
يا انتيكات
يا غرقانين
فِ المأكولات و الملبوسات
يا دفيانين
و مولعين الدفايات
يا محفلطين (1)
يا ملمّعين يا جيمسنات
يا بتوع نضال آخر زمن
ف العوامات
ما رأيكم دام عزّكم
جيفارا مات
لا طنطنة
و لا شنشنة
و لا إعلامات و استعلامات
عيني عليه ساعة القضا
من غير رفاقه تودّعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النار فِ الحشا
يمكن ضحك
أو ابتسم
أو ارتعش
أو انتشى
يمكن لفظ آخر نفس كلمة وداع
لَجل الجياع (2)
يمكن وصية للي حاضنين القضية
بالصراع
صور كتير ملو الخيال
و ألف مليون إحتمال
لكن أكيد و لا جدال
جيفارا مات موتة رجال
*******
يا شغالين و محرومين
يا مسلسلين (3)
رجلين و راس
خلاص خلاص
مالكوش خلاص
غير البنادق و الرصاص
دا منطق العصر سعيد
عصر الزنوج و الامريكان
الكلمة للنار و الحديد
و العدل أخرس أو جبان
صرخة جيفارا يا عبيد
في أي موطن أو مكان
ما فيش بديل
ما فبش مناص
يا تجهّزو جيش الخلاص
يا تقولو عَ العالم
خلاص
| |
|
mr.ahmed
المدير العام
رقم العضوية : 1
mms :
عدد الرسائل : 9014
الموقع : جروب الحب
العمل/الترفيه : محاسب
الهوايات : الكمبيوتر
اعلام :
المزاج : 
الهوية : 
تاريخ التسجيل : 28/07/2008
عدد المواضيع : 11591
السٌّمعَة : 38
| | موضوع: رد: جيفارا مات 15th نوفمبر 2008, 8:43 am | |
| انا عارفك بتحبى اشعار نجم
بس بصراخة جميلة اوى
وانتى منورة المنتدى صافى | |
|
مريم
جروبى جامد
رقم العضوية : 6
عدد الرسائل : 997
العمر : 43
العمل/الترفيه : النت والكمبيوتر
الهوايات : الكمبيوتر
المزاج :
الهوية :
تاريخ التسجيل : 03/08/2008
عدد المواضيع : 507
السٌّمعَة : 2
| | موضوع: نايس توبيك 20th نوفمبر 2008, 9:04 pm | |
| بجد جميله يا احمد وبجد تحفه واتمنى انك تنزل اشعار نجم كتير | |
|
