قصيدة مبكية

تدري وش اللي يجرح القــلب جرحين .... ويمد حبـل الحــــزن فيـك ويشــــده
انك تناظــــر طفـــل مـن غــيـر ابويـن .... يمشي ودمعـة سايـل فـــوق خـــــده
منظر صعيب ويقســـم القــلـب قسميـن .... لا قـام يمسـح دمعــــة بكــــــف يـده
يمشي ولا يدري طريقـــــه علـى ويـن .... لين التعب من كـــثـر مـا تـاه هــــده
اثقل حـروف يشيلهــــــــا فيـة حرفيـن .... لا أب يـدريـبـــــه ولا أم تــــــــرده
في خطوته رحــلـة ودمعـــــه وسكيـن .... وحـــظ توســـــد بالمراسـي مـخـده
جيت اســـــألـة بـالله قـــللـي ولـد ميـن .... .وبغي يجاوب واختنـق صـوت رده
أنـا يتيــــم ومـا لــــدربـي عـــــنـاويـن .... وجزر الحزن فينـي يســــاوي لمـده
وطعم الطفـــولة مــا عرفته لهـا لحيـن .... وثوب السعادة صـرت ما نيـب قــده
ابكي إلى من شــــفت غيـري سعيديـن .... ليـن البكــــا فينـي يوصــــل لحــــده
واقفي ورحت امسح دموعي من العين .... وعيني تناظـــــر دمعـتـه فـوق خـده
وهذا اللي يجــــرح القـــلـب جرحيـن .... ويمد حبل الحــزن غصــــب ويشـده