والله بحبك

موضوع: والله بحبك 11th مايو 2009, 10:55 am

إسأل روحك .. إسأل قلبك .. قبل ما تسأل إيه غيّرني
أنا غيّرني عذابي في حبك .. بعد ما كان أملي مصبّرني
غدرك بيّ .. أثّر فيّ .. و اتغيّرت شوية شوية
اتغيّرت و مش بإيدية
و بديت أطوي حنيني إليك .. و أكره ضعفي و صبري عليك
و اخترت ابعد .. و عرفت أعند
حتى الهجر قدرت عليه .. شو ف القسوة بتعمل إيه

كنت زمان بلاقيك بحناني .. بحر محبة و بر أمان
كنت باحس ان انت زماني .. يومي و بكرة و بعده كمان
كنت باشوفك بعيون حبي .. و انت بعيد أو و انت بقربي
أقرب من بسمتي لشفايفي .. أقرب من إحساسي لقلبي
بعد الود اللي راعيته لك .. بعد الحب اللي وهبته لك
بعد العمر اللي انا عشته لك .. فيه إيه تاني أقدمه لك؟

أنا مانسيتش الحب و عهده .. و لا أيامه ولا لياليه
أما ان كان ع الحب لوحده .. من غير هجرك أهلا بيه
أنا حيّرني هواك .. و أنا علشان انساك
بابعد عن كل مكان .. رحته و لو مرة معاك
و اهرب من أقرب ناس يعرفوا قصتي وياك
و باغيّر أي كلام بيجيب سيرة لذكراك
وصلتني للحال ده بإيدك .. بعد ما كانت روحي ف إيدك
سِبتك و مفيش حد في عمري .. يشغل عنك قلبي و فكري
سِبتك من غير حتى ما أفكّر .. حأقدر أسيبك أو مش حأقدر

إسأل روحك .. إسأل قلبك .. قبل ده كله اتغيروا ليه
أنا غيرني عذابي ف حبك .. لكن انت غيّرك إيه؟
هو حناني عليك قسّاك حتى عليّ؟
ولا رضايَ كمان خلاك تلعب بيّ؟
ولا تسامح روحي معاك غرّك بيّ؟
أنا يا حبيبي صحيح باتسامح .. إلا ف عزة نفسي و حبي
و اما يفيض بي ما باعرف أصالح .. و أعرف آجي كتير على قلبي

غدرك بيّ .. أثّر فيّ
و اتغيّرت شوية شوية .. اتغيّرت و مش بإيدية
و بديت أطوي حنيني إليك .. و أكره ضعفي و صبري عليك
و اخترت أبعد و عرفت أعند .. حتى الهجر قدرت عليه
و انت يا عيني .. لو في مكاني يا عيني
كنت حتعمل غير كده إيه؟
إسأل روحك

موضوع: رد: والله بحبك 11th مايو 2009, 4:46 pm

طويت بصدري عبء الوجود
فيوشك خطوي ان يعثر
كأني خلقت لمسح الدموع
وجدت لأحمل هم الورى
أحس بأن ابتسامتي حرام
اذا ماالتقيت بدمع جرى
عانقيني عناق الشهي المندى
ودعيني أضيع العمرى سهدى

تقبل بعض من هذياني

فكلماتك في غاية الروعة

يعني تخفة الكلمات والمعاني

موضوع: رد: والله بحبك 14th مايو 2009, 7:49 am

ايه الكلام ده انا قاعد فس وسط شعراء ايه الكلام الجامد ده

موضوع: رد: والله بحبك 18th مايو 2009, 1:06 am

اتمنى منكم المذيد
تسلم يا احمد وتسلمى يا مجنونه المنتديات بجد انتم غايه فى الروعه

موضوع: رد: والله بحبك 19th مايو 2009, 7:22 pm

بجد كلمات جميلة جدا يا احمد

أنا مانسيتش الحب و عهده .. و لا أيامه ولا لياليه
أما ان كان ع الحب لوحده .. من غير هجرك أهلا بيه
أنا حيّرني هواك .. و أنا علشان انساك
بابعد عن كل مكان .. رحته و لو مرة معاك

فعلا اللى بيحب مش بينسى بسهولة
حبه القديم ممكن يوهم نفسه بكده بس حبه حيغلبه فى يوم من الايام

» اليك انتى ياحبيبتى وامير ه قلبي بحبك بحبك
» قتلت قلبى...لا والله بل قتلتنى
» والله اخاف انك بعد موتي تحن وتفتح التابوت