حبيبي الوحيد

حبيبي القلب متشوق
يدوق الحزن بدموعه
أطاوعه ولا أتزوق
بلون البدر في طلوعه؟


حبيبي الحزن بيغني
وبيزفك ندا شوقه
ويوم السبت مستني
هواك يغرب مع شروقه
ده كاس الفرقة مش أصعب من المر اللي بتدوقه


حبيبي اسمعني لو تقدر
ليالي الحيرة قتلاني
ليالي الشوق بتتكلم
واحشني عد لي من تاني


تمر أيام على سكوتك
وبسكوتي وبجنوني
الاقي نبرة من صوتك
بتمسح دمعة في عيوني
تقولي :"الدنيا ظلماني
وكل الخلق نسياني
مسافر بس مش راجع
مادام الدنيا رافضاني
انا مش خايف الفرقة
انا مش خايف الوحدة
انا ماشي لأني زهقت
خد من ده وخد من ده
اخذت كثير مفيش فايدة
وآديني مشيت
وسبت الدنيا مطوية
وسبت البيت
وسبت الأم مرمية وصابرة.. بس محنية
شربت شوية المية ولا حسيت
وملقيتش اللي ينصفني
وملقيتش اللي بحلم بيه
كفاية الدنيا تحدفني
ندا ربي وانا ملبيه


وساد الصمت من تاني
وحيد القلب ماشي بعيد
وصوته لسة في وداني
انا صابر وقلبي عنيد
ما انا طول عمري وحداني
وحيد عايش وماشي وحيد
يردد صوتي من تاني
وحيد عايش
وماشي وحيد