كلمات اغنية بانو بانولعمنا صلاح جاهين

بانو بانو بانو
على أصلكو بانو
والساهى يبطل سهيانه

ولا غِنى ولا صيت
دولا جنس غويط
وكتاب ما يبان من عِنوانه
بانو أيوه بانو

جربنا الحلو المتعايق
أبو دم خفيف
وبقينا معاه إخـْوَه شقايق
فاكرينه شريف

أتاريه مش كده على طول الخط
الطـَبْع الردى من جواه نط
خلاص بقى مهما انشال وانحط
مافيش دمعة حزن عشانـُه

بانو أيوه بانو

بانو بانو بانو
على أصلكو بانو

وعرفنا...سيد الرجاله
عرفنا... عين الأعيان

من بره شهامه وأصالة
تشوفه تقول أعظم انسان

انما من جوه يا عينى عليه
بيّاع ويبيع حتى والديه
واهو ده اللى اتعلمنا على ايديه
القهر وقوة غليانه/هريانه


بانو بانو بانو
على أصلكو بانو


دوروا وشـُّكـُو عنى شويه
كفايانى وشوش
ده أكم من وش غدر بيه
ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشف لى حبايبى واصحابى
يوحدنى وانا ف عز شبابى
القلب على الحب يشابي
والحب بعيد عن أوطانه

بانو أيوه بانو


بانو بانو بانو
على أصلكو بانو

أهو كده بانو
على أصلكو بانو
__________________
تأليف : صلاح جاهين
غناء : سعاد حسنىمن فيلم : شفيقة و متولى
_________________

بجد شكرا اوى اوى يا جميل الاغنيه دى انا باموت فيها واكتر اغنيه بحبها لسعاد حسنى وكفايه انها تاليف جاهين بجد شكرا اوى عليها واتمنى لك التوفيق دايما يا عسل

تسلمي حبيبتي خليك هيك ع طول نجمه براقه :flower:

[b]لالالالالالالالالالالالالالالا

تعليييييييييييييييييييييييق

فى كلمات جميلة اوى بردو
زى اغنية شادية بتاعة خلاص مسافر

ابقى ا سمعيها دى جميلة اوى